Talofa lava !
I lenei vaega o la tatou upega ua taumafai ai e atia'e se nofoaga e maua i ai e le fanau ma i tatou uma ni tusi faitau lelei i la tatou gagana.
Talu ai le mana'omia pea o tusi faitau saunia i la tatou gagana mo a'oga a le fanau, e feagai ma le le faigofie ona saunia ni tusi ona o le tau e gaosi ai, ua mafua ai ona uia se auala fou o lomiga faaonaponei ua ta'ua o le e-publishing. O le e-book (electronic book) o le fua o ia lomiga fou.
E talo atu ai ma le faaaloalo tele ia tatou tusitala ma fatua'iupu i soo se sionara ina ia tatou auai i le atia'eina o lenei faamoemoe. E faapena foi ona tatala atu le avanoa i fanau talenia mo so latou sao, aua o le auala lea e saga faatupuina ai le fiafia e fatufatu i la tatou lava gagana.
O sionara masani e iai o nei: tala, solo, pese ma tauloto a tamaiti. I na ulutala taitasi le isi vaevaega e pei o tala pupuu, tala uumi, tala moni ma tala fatu, ma tulaga faapena. E pule le tusitala i lana sionara tusitusi, ua silafia foi e le tusitala le matutua o lana aufaitau ma tusi faatatau aga'i i ai.
E mafai ona toe lolomi se tala na uluai lomia e ala i le faatagaga a le tusitala poo le ana le puleiata o se galuega.
E tolu auala e mafai ona e fesoasoani ai i lenei atina'e.
1. I le ofoina fua mai o sau galuega e avea ma se totino o lenei galuega faaputu; o lou sao mo tupulaga lalovaoa.
2. I le faalauiloaina o sau galuega ma le faamoemoe e faatauina atu i faiga faapisinisi mulimuli ane; I le faiga lona lua lea, o le a iai ni aiaiga e taialaina ai.
3. I le tuuina mai o se faila o galuega (a se vasega poo se aoga foi) e faailoa i lenei itulau i se totogi taugofie.
I le gaosiga o se galuega e avea ma se tusi e manaomia ai le fesoasoani tauseleni a le ana le tusi. E $1 i le itulau; e mafai foi ona matou saunia se faavaa mo le tau e $4 (luma & tua).
Mo le silafia, ua faasaoina le aia tatau a lenei pulega e filifili ai le talia (alagatatau)o se galuega, pe teena foi ona o ni mafuaaga ua tatau ai.
Mo le saga faapupulaina o lenei faaaliga e fiafia e tali atu i se fesili e tuuina mai.
E tuuina atu ai ma le faaaloalo tele.
Matou te fiafia e faailoa ma patipatia ausiga a le fanau e ala i lau lipoti o mea o loo tutupu i la outou a'oga: faaiuga manuia o galuega ma tausinioga a le fanau, tala i atina'e fou i potua'oga ae faapea foi faia'oga ma le lotoifale lautele; ma soo se tala fiafia pe faanoanoa foi.
Faafesoota'i mai i le
poo imeli nei:
![](https://static.wixstatic.com/media/214ec6_9d65f27e5cae00d16e5ee05157e5749e.png/v1/fill/w_68,h_47,al_c,q_85,usm_0.66_1.00_0.01,blur_3,enc_auto/214ec6_9d65f27e5cae00d16e5ee05157e5749e.png)
![](https://static.wixstatic.com/media/214ec6_a117165fdf405244cd15572f41a56bba.png/v1/fill/w_66,h_74,al_c,q_85,usm_0.66_1.00_0.01,blur_2,enc_auto/214ec6_a117165fdf405244cd15572f41a56bba.png)